dis blaasbalke en poghane
hoogleraars van die pessimis
wat klink soos druppende krane
op 'n taal se dodekis
geklee in sy staatsiegewaad
op 'n sagte wit laken
omring met femelary
van die spekslaers en skieters
en selfmoordenaars
van homself
dis sterfsertifikate en stoete
geredder deur die pessimis
met 'n roulag en koue voete
'n grynslag as hy die graf bepis
maar hy hoor nog die krygsgeroep
van jare gelede
sy hart slaan stadig
in die gestig
en vir Breytenbach het hy nog krag
om sy middelvinger te lig
No comments:
Post a Comment